Кафедра 2006 жылы Павлодар облысының отын-энергетикалық және металлургиялық секторын инженерлік кадрлармен қамтамасыз ету мақсатында металлургия саласындағы білім беру бағдарламалары бойынша мамандар даярлау үшін құрылған. Бітіруші түлектердің даярлық сапасын арттыру мақсатында кафедраға Алматы, Қарағанды, Теміртау, Көкшетау және Павлодар қалаларынан тәжірибелі оқытушылар шақырылды. Сонымен қатар, кафедраның негізгі және бейіндік пәндер бойынша материалдық-техникалық базасы қарқынды түрде дамыды.

Бүгінгі таңда кафедра келесі білім беру бағдарламалары бойынша бакалаврлар даярлайды:

• 6В07222 – Металлургия
• 6В07214 – Металлургия

 

Кафедраның миссиясы:

Металлургия саласында терең іргелі білімге ие, бастамашыл, еңбек нарығының өзгермелі талаптарына, заманауи технологиялар мен нанотехнологияларға тез бейімделе алатын, сондай-ақ командада тиімді жұмыс істей алатын жаңа буын мамандарын даярлау.

Білім беру бағдарламасының мақсаты:

Жоғары сапалы металл өнімдерін өндіруді қамтамасыз ететін, заманауи нарықтың жаһандық сын-қатерлеріне жедел әрекет ете алатын, жоғары білімді және бәсекеге қабілетті кадрларды даярлау. Инновациялық технологияларды енгізуге, жасанды интеллектті технологиялық үдерістер мен жабдықтарды қызмет көрсетуге тиімді қолдануға қабілетті мамандарды қалыптастыру.

 

Міндеттері:

1. Студенттердің металлургия саласындағы іргелі және бейіндік білімдерді меңгеруін қамтамасыз ету.

2. Кәсіби міндеттерді шешуге қажетті практикалық дағдылар мен іскерліктерді қалыптастыру.

3. Студенттердің инновациялық ойлау қабілеті мен жаңа технологияларға бейімделу мүмкіндігін дамыту.

4. Командалық жұмыс пен кәсіби қарым-қатынас жасау дағдыларын қалыптастыру.

5. Заманауи өндірістік және ғылыми мекемелер жағдайында жұмыс істеуге дайын мамандарды даярлау.

 

Кәсіби маңызды қасиеттері:

 

• Металлургия саласындағы терең теориялық білімдер;
• Аналитикалық ойлау қабілеті және күрделі тапсырмаларды шеше білу;
• Жұмыстағы бастамашылдық пен дербестік;
• Өзгерістер мен жаңа технологияларға тез бейімделе білу;
• Командалық жұмыс пен тиімді коммуникация дағдылары;
• Жауапкершілік және ұқыптылық;
• Үздіксіз кәсіби дамуға және білім алуға дайындық.

 

Кафедраның профессорлық-оқытушылық құрамы Қазақстан Республикасының заңнамасына және жоғары оқу орындарының ғылыми-педагог қызметкерлерінің лауазымдарын конкурстық негізде ауыстыру қағидаларына сәйкес жасақталған. Осы талаптар аясында институтта үміткерлерді белгіленген біліктілік талаптарына сәйкес бос лауазымдарға іріктеуді жүзеге асыратын конкурстық комиссия жұмыс істейді. Кафедраның профессорлық-оқытушылық құрамының ғылыми дәрежелілік деңгейі 40%-дан асады.

 

Металлургия мамандығы бойынша бакалавр келесі кәсіби құзыреттерге ие болуы тиіс:

 

1. Металлургияның, металдар мен қорытпалардың физикасы және химиясы негіздерін терең меңгеруі;

2. Металдар мен қорытпалардың сапасын талдау және бақылау дағдылары;

3. Заманауи металлургиялық жабдықтармен және технологиялармен жұмыс істей білу;

4. Инновациялық өндірістік үдерістерді әзірлеу және енгізу қабілеті;

5. Металлургия саласындағы еңбек қауіпсіздігі мен қоршаған ортаны қорғау негіздерін білу;

6. Салалық стандарттар мен техникалық құжаттамамен жұмыс істеу іскерлігі;

7. Металлургия саласындағы ғылыми-зерттеу және тәжірибелік-конструкторлық жұмыстар жүргізу дағдылары;

8. Командалық жұмысқа және әртүрлі салалардағы мамандармен тиімді қарым-қатынас жасауға бейімділік;

9. Металлургиялық үдерістерді компьютерлік модельдеу мен талдаудың заманауи әдістерін меңгеру;

10. Үздіксіз кәсіби даму мен жаңа технологияларды игеруге дайын болу.

 

Түлектердің кәсіби қызметінің объектілері мыналар болып табылады:

• Металлургиялық өндірістер мен кәсіпорындар;
• Металлургия саласындағы жабдықтар мен технологиялық үдерістер;
• Өнеркәсіпте қолданылатын металдар, қорытпалар мен материалдар;
• Металл бұйымдарының сапасын бақылау және сынақтан өткізу;
• Металдарды өңдеудің жаңа технологиялары мен әдістерін әзірлеу және енгізу;
• Металлургиядағы еңбекті қорғау және өнеркәсіптік қауіпсіздік жүйелері;
• Ғылыми-зерттеу және жобалау-конструкторлық ұйымдар;
• Металлургиялық өндіріске қатысты экологиялық жүйелер мен үдерістер;
• Жобалау-конструкторлық бюролар мен техникалық орталықтар;
• Өнім сапасын бақылау және сертификаттаумен айналысатын компаниялар;
• Еңбекті қорғау және қоршаған ортаны бақылау саласындағы ұйымдар;
• Металлургия саласындағы консалтингтік және инжинирингтік фирмалар;
• Білім беру мекемелері мен оқу орталықтары;
• Өнеркәсіп пен еңбек қауіпсіздігін реттейтін мемлекеттік органдар.

 

Түлектерді жұмыспен қамту

 

«Металлургия және ЕНД» кафедрасы түлектерінің жұмыспен қамтылу деңгейі 80%-дан асады. Жас мамандар Экибастұз қаласы мен өңірдің ірі қала құраушы және салалық кәсіпорындарында, сондай-ақ жетекші компаниялар мен ұйымдарда табысты еңбек етуде. Олардың қатарында: ТОО «Проммашкомплект», ТОО «KAZ Minerals Bozshakol», АО «ТНК «Казхром», АО «ЭГРЭС – 1», ТОО «KSP Steel», ТОО «R.W.S. Wheelset», ТОО «Казахалтын Technology», АО «Майкаинзолото», ТОО «ПРОММАШ.KZ», ТОО «R.W.S. BINDING» және басқа да металлургиялық кәсіпорындар бар. Бұл түлектердің жоғары деңгейде даярланғанын және олардың өнеркәсіп саласында сұранысқа ие екенін көрсетеді.

               Металлургия мамандығы бойынша жоғары кәсіби білім беру бағдарламаларын сәтті аяқтаған түлектер магистратурада, кейін PhD докторантурада оқуын жалғастыру мүмкіндігіне ие.