Павлодар облысы ПД Есірткі қылмыстарына қарсы іс-қимыл басқармасының аса маңызды істер жөніндегі аға жедел уәкілі, полиция подполковнигі Ирина Тиммргалиева студенттерге қылмыстық заңнама, есірткіге байланысты қылмыстар үшін жауапкершілік және адам өз әрекетінің қаншалықты ауыр екенін түсінгенге дейін-ақ оның өмірін өзгертіп жіберуі мүмкін салдарлар туралы айтып берді.

Павлодар қаласындағы Республикалық психикалық денсаулық ғылыми-практикалық орталығының психологы Алеся Ларина есірткі заттарын қолданудың медициналық және психологиялық аспектілерін ашып көрсетіп, тәуелділіктің адамның денсаулығына, психикасына, жақындарымен қарым-қатынасына және толыққанды өмірге қайта оралу қабілетіне қалай әсер ететіні туралы түсіндірді.

Студенттерге кездесудің басты кейіпкерлері — «Асар» әлеуметтік оңалту бөлімшесінің еріктілері бөліскен шынайы оқиғалар ерекше әсер етті. Олар есірткі қолданудағы өз тәжірибелері, тәуелділіктің салдары және қылмыстық жауапкершілікке тартылу туралы айтып берді. Сондай-ақ бір ғана таңдаудың бас бостандығынан және жақындарының сенімінен айырылуға әкелуі мүмкін екенін өз өмірлерінің мысалында жеткізді.

Жастар «есірткі» деген сөздің артында абстрактілі мәселе емес, нақты адам тағдырлары мен бір қателіктің адамға әкелуі мүмкін ауыр зардаптары тұрғанын түсінді.