Волонтерлердің еңбегін бағалап, олардың қоғамдағы еңбегін елеу мақсатында Екібастұз қаласы әкімдігінің ішкі саясат бөлімі жанындағы “Жастар бастамаларын дамыту орталығы” КММ-нің әлеуметтік тапсырысы аясында “Волонтерлердің алтын кітабы” жинағы жарық көрді. Кітапта қала әкімі Аян Уахитұлы алғы сөзі жазылып, волонтерлер елеулі еңбегіне, азаматтық қоғам қалыптастырудағы жұмыстарына алғыс білдірді. Жинақ 50 данамен шығарылып, қосымша 50 дана баспадан шығу үстінде. Кітап ішінде Екібастұз қаласындағы 16-ға жуық волонтерлер ұйымы, жасағы қосылып, “Ерікті болу - ерлік” фестивалінде арнайы куәлік табысталды. Фестивалде қала әкімінің орынбасары Сағынтайқызы Бибігүл Имангалиева кітаптың тұсаукесерін өткізіп, барша еріктілерді Халықаралық волонтерлер күнімен құттықтады. Фестивал қаламыздағы сән-салтанаты келіскен “Шаңырақ” мейрамханасында өткізіліп, 200-ден астам волонтер қатысып, барлығына естелік сыйлық табысталды. Фестиваль барысында Павлодар облыстық ақпарат және қоғамдық даму басқармасының басшысы алғыс хатын Ішкі саясат бөлімінің басшысы Рауан Қайыпханұлы 60-қа жуық волонтерге табыстады. Фестивалде ән шырқалып, бимен өрнектеліп, жастар орталығының волонтерлері “Жастар” валісімен сахына шымылдығын ашқан болатын. Фестивалде арнайы көрме қойылып, “Волонтерлер” деректі филімінің үзіндісі көрсетіліп, фуршет столдары қонақтарға ұсынылды.